Oranjewâld

it wurd simmerresidinsje hie wat heimsinnichs

kostber plak dêr’t al dy Oranjelju har simmerdeis

blykber sa thús fielden tusken de Friezen

leaflik spruts it folk ûnderinnoar oer Marijke Meu

at se Maria Louise van Hessen-Kassel bedoelden

soms op blakstille simmermoarns oan ’e râne fan boskfivers

koest it risseljen fan keninklike gewaden noch heare

alteast asto yn mearkes leauwdest

wilens wurde de ferhalen hieltyd moaier as de werklikheid wie

al hat it lânskip sûndermis dochs ek wol wat